|
بسم الله
الرحمن الرحيم
السلام عليكم ورحمة الله وبركاته قبل فترة سرنا رحلة ويا مجموعة من الشباب الى المنطقة الشرقية... صوب الفجيرة وكلباء ودبا وخورفكان والصراحة الرحلة كانت ممتعة واايد... والجو عجيب.. والمناظر ولا أروع فحبيت أعرضها عليكم.
طبعا في بداية الرحلة... دخلنا من هالنفق اليديد.. اختصار لمسافة بعيدة من الشارجة لين كلباء واللي نطوف فيه من بين الجبال..
وهاي صورة من داخل النفق
وهاي صورة لنفق ثاني ولكنه اصغر... والمسافة قصيرة...
صورة للدرب
بعدها وصلنا كلباء وعقبها الفجيرة... ومن الفجيرة سرنا لمطنقة اسمها مدحة مدحة منظقة مشتركة بين الإمارات وعمان .. ولكنها تتبع عمان وفي الدرب لمنطقة مدحة.. نطوف على امارتين... أول شي الفجيرة.. وعقبها نطوف على منطقة نحوة اللي تتبع إمارة الشارقة.. وصولاً بمدحة والتي تتبع سلطنة عمان. وهاي صورة للطريق إلى مدحة
وطبعا هي منطقة جبلية... والجو فنان وفي بداية الطريق إلى نحوة شفنا موقع لبناء سد يديد..
وبعدين من اليوع قلنا بنسير مكان نتغدى ووقفنا عند منطقة اسمها حجر بني حميد
وطبعا كانت منطقة مرتفعة وايد
وهاي صور ثانية للدرب والجبال في هالمنطقة
والحين يا وقت الغدااااااا خخخخخخخ شو رايكم؟؟
<< صدق كان لذيذ هههههههههههههه
بعد ما اتغدينا... شفنا هالسحلية... مسكيييينة والله يوم انها
طاحت في ايدنا!! خخخخخخخخ
صدق استوت مطاردة استمرت جريب 30 دقيقة... من دون أي خساير في
الأرواح هههههههههههههههههههه
عاد شوفو هالصورة بعد... خخخخخخخ
أول ما شفت الفطر دورت على ماريو... بس ما حصلته للأسف.. ولا
كنا بنسوي وياه لقاء خخخخخخخخخخخخخخخخخخ
بعدين قلنا بنسير صوب خورفكان.. وفي الردة بين الجبال... شفنا هالكهف.. عيبني شكله ومكانه وطريقته... وخذنا هالصور
وهاي صورة من داخل الكهف
وهاي صورة واحنا داخل الكهف....
شوفوا أرضية الكهف كيف !! شكله الطين متيبس فيه
قبل لا نطلع من مدحة... وقفنا صوب منطقة سكنية... سكانها عمانيين.. ودخلنا هالدكان... الصراحة شكله فاضي!!!..
وسكان المنطقة ناس طيبين وايد... وتقريبا من لبسهم ورمستهم أقرب للإماراتيين... لكن أغلبهم يحملون الجنسية العمانية..
وسولفنا شوي ويا راعي الدكان ((كالعادة.. لازم هندي في كل
تقرير)) خخخخخخ
اسمه شادي... ويشتغل هني من زمان... وقالنا انه هو ياي بفيزة عمان.. وقال انه اشتغل في دبي من قبل...
<< مسكين كان يبانا نسويله فيزة في الامارات... لأنه يقول ان في الامارات يجدد كل ثلاث سنوات.. أما في عمان كل سنة << يشكي لنا همومه !! خخخخخ .. بس ريال طيب والله
وصوب دبا خذنا هالصورة للبحر المطل على خليج عمان
<< درس جغرافيا! خخخخ
وبعدها سرنا خورفكان... وعلى كورنيش خورفكان شفنا محلات صغيرة.. وشفت هالحنيش... منو يبا يشتريه!!
خخخخخخخ
وهاي صور منوعة خذناها من الرحلة..... خريطة دولة الامارات مرسومة بطريقة روعة على الجبل صوب مسافي
منظر للشمس بين الغيوم...
موتر الرحلة .... ضايع بين اليبااال خخخخخ
وحاب أختم التقرير بهالصورة.... كتبت اسم الموقع على الشاطئ
احلى ما في الصورة الخط.. خخخخخخخخ
<< أكيد حلوو صح!!
اتمنى ان التقرير
حاز على رضاكم
في
النهاية أشكر كل من رافقني في هالرحلة
تحياتي الشعباوي
|
