الجزء التاسع

ام خليفه يالسه عند بنتها اتهديها .. يحليلها مابيدها شي تسويه لا تقدر تسوق وتوديها المستشفى ولا عبير تقدر .. بس بعد ما سوتلها ام خليفه عصير ليمون وشربته هدت شوي عبير وارتاحت ..
ام خليفه: هاا امي شو تحسين الحين
عبير: احسن اشوي امايه
ام خليفه: انزين فديتج اذا تقدرين اتسوقين بنسير المستشفى
عبير: لا امي ما يحتاي انا صرت زينه الحين
ام خليفه: خلااص غناتي ارتاحي الحين
وتسير ام خليفه الصاله وتهد بنتها ترتاح شوي .. اما موزه كانت يالسه في حجرتها تتزهب وشكلها بتطلع .. وهي قاعده تتزهب تلفونها يرن ..
موزه: هلا حبيبي
خالد: اهلييين عمري تراني جريب بيتكم
موزه: انزين اترياني عند الباب الوراني
خالد: خلااص اوكي بس لا تتأخرين
موزه: اوكي يالله باااي
خالد: بااي
وتحط موزه آخر لمسات المكياج على ويهها الي امطلعها حلوه وشكلها مغري وهذا غير العطر الي رشته على عبايتها وشيلتها .. وتطلع في الصاله وتشوف ام خليفه قاعده تتطالع تلفزيون ..
موزه: ههههههههههه .. اخر زمن العيااايز قامت تطالع ستار اكاديمي
ام خليفه حليلها مااتعرف شو ها بس يالسه اتشوف شو يسوون وهي بعد ما تعرف كيف تغير القنوات فسكتت عنها
موزه: هههههااااااي موووتي حرره انا بطلع
ام خليفه: ....................
موزه: وتبين اتشوفين شو لابسه .. وهي تفتح عبايتها ... ها شوووفي .. وهي يالسه اتراويها طلعت عبير من حجرتها وتمت تطاع موزه من فوق لين تحت .. كانت لا بسه ضييج لدرجة انه جسمها محدد
عبير: شو الفايده بعد جان مالبستي شي احسن
موزه: عشتوا طاع منو الي يرمس سكتي سكتي انتي ممما يخصج فيني تراج بتندمين فاهمه والا لا والمره هاااي بخلي اخوج مب يشوتج بس الا يعقج برع انتي وامج
وتطلع عنهم موزه وتسير صوب الباب الي ورا وفجأه وهي يالسه تمشي تشوف ريلها ..
خليفه: موزه؟؟؟؟؟؟؟؟؟
موزه ((خايفه ومرتبكه مااتعرف شو تقول)): ..............
خليفه: شو موديج عند باب الوراني
موزه: هلا حياتي انت ييت .. انا بطلع فديتك
خليفه: بتطلعين وانتي جيه!!! ويا امنوا
موزه: بسير بيت ربيعتي وهي الي يايه تاخذني
خليفه: هي بس الي يشوفج يقول رايحه عرس امسحي اشوي الي بويهج
موزه: اوووووهووووو خلااص هونت ما بسير ..هي عشان الكل يقول مرت خليفه مااتعرف تكشخ
خليفه: لاا لاا خلااااص خلاااااص سيري فديتج مرخوصه
موزه: لا خلااص مب لازم
خليفه: لاا لاا حبيبتي سيري الله وياج .. بس طمنيني عليج عاد
موزه: ان شاء الله
ويسير عنها خليفه ...
موزه: هههههههه طول عمرك بتم غبي يا خليفه
وتسير موزه صوب سيارة خالد وتركب فيه عاد اول ما تركب اتعق شيلتها وتفتح عبايتها وتقعد جدام ..
خالد((مستاااانس)): ياااااااااااااي صايره قمر موزوووووه
موزه: ههههههههههه طول عمري جيه انزين
خالد: ياااااااااي يعني كل بيكون حقي اليووووم
موزه: هييي بس بشرط
خالد: آمري انتي بس
موزه: توديتي اتعشيني في ارقى مطعم وتودني اتسوق في اي مركز
خالد: هي بس اذا حد شافج وياي
موزه: لاااا من هالناحيه لا تحاتي بتغشى
خالد: يا سلااااااااااام انا مو مصدق انه هالملاك بتكون وياي اليوم بس اقولج لا تقولين برد البيت هااا اليوم ابغي اسهر معاج
موزه: ههههههههه ان شاء الله من عيوني

..............................................

من وقفت .. الكل تم يطالعها يتريونها ترمس وخصوصا ام سيف وعايشه ..
عفراء: هاااا قلتي طلبات .. اوكي انا بقولج شو طلباتي .. اتشوفون هالبيت الي انا فييه ترى ابغي مثله حقي بروحي .. وانا اهلي امعوديني كل سنه اصيف في مكان .. ومهري مب اقل من 500 الف .. ومالبس غير الفساتين والبدل الغاليه .. هااا شو رايكم؟؟؟؟؟؟
الكل انصدم بعد ماخلصت عفراء كلامها وخصوصا ميثه مااتوقعت اربيعتها جي تسوي او اتفكر جيه وطبعا اسماء وشيماء كانوا متوقعين هالشي
ام سيف: والله يا بنتي نحن ما نقدر على كل هاا
ام احمد: لا لا ماعليكم منها اكيد اتسولف
عفراء: لا امي مااسولف واذا انتوا ماتقدرون على هااا كله ليش يايين بيتنا دورولكم وحده ترضى بولدكم وتكون على قد حالها او تكون من مستواكم
ام احمد: عفرااء؟؟؟؟؟؟؟ عيييييييييب
عفراء: امي انا مب ياهل جدامج اتقولين لي عيب انا اعرف مصلحتي
وتسير فوق وما تعطيهم اي اهميه
عايشه: امييي يالله خلنا نسير
ام احمد: ما عليه يا ام سيف سامحينا والله ماادري شو اقولكم مستحيه فشلتنا
ام سيف: ما عليه يا ام احمد ما يحتاي تقولين شي بنتج ما قصرت
ميثه: ما علييه خالوه سامحوها عفراء
ام سيف: الله يسامحها يا بنتي .. يالله نشي يا عايشه خلنا نروح

..........................................

اول مادش خليفه عليهم الصاله دشت عبير داخل حجرتها وهو على طول لحقها بس اهني ام خليفه هي الي ادخلت ووقفت جدامه وما خلته يدش عليها ..
ام خليفه: وين ساير
خليفه: خليني ادش عليها عشان مره ثانيه تحترمني وانا داش مب تدخل حجرتها على طول
ام خليفه: وانت الي سويت فيهااا مب شويه ضربتها لين ماقالت بس شو رايح تزيدها الحين يالله البنت الي فيها كافيها
خليفه: تستاهل عشان مره ثانيه مااتسوي جيه في حرمتي من يوم مايت وهي كارهتنها ماادري ليش حتى انتي يا امي
ام خليفه: ليش هي مااتقولك شو تسوي فينا والا نحن مابنكرهها من دون سبب
خليفه: والله ماتقول عنكم الا كل خير بس انتوا الي ماادري ليش تكرهونها
ام خليفه: هي لازم جدامك جيه اتقول تراك مااتعرف من وراك شو تسوي فينا المهم انا مره ثانيه لا لي شغل فيها ولا شي كلما رمستني بسكت ومابرد عليها مثل ما يقولون الباب الي يجيك منه الريح سده واستريح
خليفه: هي يكون احسن بعد فديتها سارت عند ربيعتها الحين والا كنت مشتاقلها
ام خليفه: كل هالكشخه عند ربيعتها والله جنها سايره عرس
خليفه: ما علييه امي عشان مايقولون بعد مرت خليفه ماتعرف تكشخ
ام خليفه: تكشخ بس مب جيه
خليفه: ما عليه خلها تسوي الي خاطرها فييه محد له خص فيها
ام خليفه: كيفك والله

..........................................

((قولوووووولي شو سويتوا شو استوى معاكم )) بعد ماردوا ام سيف وعايشه من بيت قوم بواحمد وسيف مب طايع يودرهم الا ويقولونله شو سووا وهم كله ساكتين ..الولد كان فرحان وحرام يكدرون بخاطره الحين ..
سيف: اميي الله يخليج قوليلي بس شو قالوا .. عواااااش انتي ارمسي انا اعرفج اختي ومااهون عليج اتخليني جيه احاتي
عايشه: الصراحه عفراء ماتنفعلك والف وحده تتمناك
الكلمات الي قالتها عفراء نزلت مثل الصاعقه على سيف
سيف: كيف يعني
ام سيف: شو بعد كيف يعني .. يعني خلااص يا ولدي البنت هاي بالذات نحن مانباها حقك وانت واحد على قد حالك ماعندك املاك وقصور عشان تاخذها والف وحده تتمناك ..
سيف: ههههههههه امي انتي شو اتقولين اكيد تسولفين انا ادري يالله عاد اعترفوا ها اكيد مقلب من مقالبج انتي عاشوووو انا اعرفج زين ام المقالب
عايشه: حاسه فيك يا اخوي بس هذا هو الصج انت تقدر اتيبلها بيت مثل بيتهم؟؟؟ تقدر تدفع لها 500الف مهر؟؟ لا طبعا ما تقدر
ام سيف: هييه يا ولدي انت من وين لك وهاي شكلها ماتبي ريال تبغي بيزاته بس وانت الف وحده تتمناك
سيف: وحده غير عفراء!!!!!!!!.. مستحيييييييييييل امي مستحييييييييييل .. ويدش حجرته وهو منهااااار نفسيا .. اتنش ام سيف تروح وراه
عايشه: تعالي امي وين رايحه
ام سيف: اسير اشوف ولدي عن يسوي بنفسه شي
عايشه: لا امي تعالي قعدي سيف ما بيسوي شي خليه يرتاح ما ينلام من بعد هالعمر ساير يخطب له وحده ومارضت فييه اكيد جي بيسوي
ام سيف: خلااص بقعد بس والله مب هاين علي اخليه جيه
عايشه: ما عليه بينسى بش شفتي ميثه بنت غانم امي حلييها يت لنا لين الباب وتمت تسولف معانا
ام سيف: والنعم فيها ميثه بنت اصول واهلها ناس طيبيين بس نحن الي قصرنا معاهم وماقمنا نزورهم من بعد وفاة ابوها الله يرحمه
عايشه: هي اتصدقين امي يبالنا جيه يوم نزورهم حسيتها بنت حبوبه وطيبه
ام سيف: هي صدقج يا بنتي

.....................................

عفراء يالسه في حجرتها وحست انه هم وانزاح عنها وعلى طول اتصلت في موزه ... بس ماردت عليها طبعا مشغوله ويا ربيعها .. بعد مرور دقايق اتصلت فيها ميثه ..
عفراء: الووو
ميثه: هلا عفراء
عفراء: اهليين
ميثه: اشحالج
عفراء: الحمدالله اشحالج انتي
ميثه: بخير .. نتي ويا ويهج وايد مستانسه باللي سويتيه اليوم
عفراء: هي عيل شو تبيني اسوي اقولهم حيكم الله وانا موافقه باللي تبونه هاي طلباتي اذا يبون حياهم الله واذا لا طز
ميثه: ماكنت اتوقعج جيه يا عفراء
عفراء: والله عاد انا جيه واتعرفين انج قهرتيني واقفه ابفصفهم ولا جني انا ربيعتج
ميثه: ترى وياهم حق الصراحه انتي مصختيها وياهم
عفراء: والله انتي الي قمتي تمصخينها في الكلام جان خطبوج انتي عيل دام انج تدافعين عنهم جيه وبترضين في اللي يبونه
ميثه: انتي شو تقولين عفرووو انتي ليش متغيره علي الصراحه انا مصدومه فيج
عفراء: وانا الصاجه ليش ما يوا يخطبونج انتي عيل اكيد لاني احلى منج وانا ادري انج تغارين مني
ميثه: الله يسامحج يا عفراء
عفراء: اقول باي باي عندي خط ثاني ..
ميثه: بااي
واكيييد الي في الخط الثاني هي موزه ..

بنعرف الحوار الي بيدور بينهم في الجزء العاشر^__^
 

» الجزء العاشر «

الرئيسية .. جواهر إسلامية .. دروس الفوتوشوب .. مستلزمات .. تقارير .. متنوعة .. زوار الجواهر  .. لمراسلتنا

جميع الحقوق محفوظة © لموقع جواهر الإمارات