هذا ما جنته نفسي

هذا ما جنته نفسي

قصة من تأليف الوصلاوية

الجزء الرابع

طالعيين الرياييل من المسيييد وتوهم كانوا مخلصين صلاة اليمعه ...
سيف: عمي راشد اشحالك؟؟
بو احمد: هلا بولدي سيف شخبارك عساك بخير
سيف: تمام طولي بعمرك ..حمدالله على سلامتكم
بو احمد: الله يسلمك من كل شر
سيف: اشحالك احمد؟؟
احمد: تمااام انت شخبارك
سيف: والله الحمدالله بخير ويينك انت يا ريال
احمد: والله موجود انت الي وين لا قمت تتصل ولا شي ولا جنه كنا ييران
بو احمد: عاد اليوم غداك عندنا يا سيف
احمد: هي صدقه ابوي
سيف: لامشكوووورين ما قصرتوا بس ماادري شو اقولك يا عمي انا الصراحه بغيتك في سالفه
بو احمد: عيل اييك رااي .. تعال تغدى معانا ومنها بتقولي سالفتك شو رايك؟؟
احمد: كلام ابوي عدل
سيف((يبتسم)): خلاص الي تشوفونه
..................................................
عفراء يالسه في حجرتها ملانه مااتعرف شو تسوي ..حاطه هالاب توب على ريولها وهي تدور من موقع لين موقع..لين ماتذكرت انها تفتح تلفونها لانهم امس رادين من السفر وماخذت تلفونها وياها لانه اصلا ما يشبك هناك..طلعت تلفونها من الكبت واول مافتحته فوق العشريييين مسج وكله من حبيبة قلبها وصديقة عمرها ميثه وكله تسأل عنها ..
عفراء: ههههه فديتج ميثووه والله ولهت عليج .. على طول تدق عليها ..
ميثه: واااااااااي ما بغى هالرقم يظهر في تيلفوني
عفراء: فديتج والله ميثوووه ما تتصورين اشقد متولهه عليج
ميثه: هي هي قصي علي اكبر دليل انج حرقتي تيلفوني صج ماتستحين على ويهج راده من السفر مافكرتي تتصلين فيني عالاقل تطمنيني عليج
عفراء: شو اسوي والله تعرفين اني امس راده وانا ما خذت تيلفوني معاي واليوم اتذكرت افتحه
ميثه: ماعليه بطوفها لج هالمره
عفراء: ههههه ادريبج اصلا مااهون عليج .. المهم خبريني انتي اشحالج
ميثه: والله تمااام الحمدالله انتي شخبارج وشخبار لندن
عفراء: والله الحمدالله كل شي تماام خاطري اتيين عندي البيت في خاطري كلام وااايد ابغي اقوله شو سوينا وشو ماسوينا واراويج اغراضنا
ميثه: اممممم بشوف انا بقول حق امايه اذا خلتني بييج
عفراء: لاا بليييز لا تقولين لاااا ولو ماخلتج انا بتفاهم معاها
ميثه: هههههه هي دومج جي تقردنينها لين ماخلتني
عفراء: هههه شفتي عاد خبره
وهي يالسه اتكلم ميثه تسمع صوت دقات الباب
عفراء: لحظه ميثه .. امنواا
شيماء: انا ... بطلي الباب
وتقوم عفراء عشان تبطل الباب على اختها ...
عفراء: هااا شو تبين
شيماء: شو ما تبين تتغدين
عفراء: بيي الحييين
وتسير عنها شيماء وهي تاخذ موبايلها
عفراء: اقولج ميثوه بتصلج عقب الحين بسير اتغدى
ميثه: اوكي فديتج يالله مع السلامه
عفراء: مع السلامه

تحت في غرفة الطعام يالسين اسماء وام احمد وشيماء يتريون عفراء عشان يتغدون مع بعض وتسير لهم عفراء ..
عفراء: ان شاء الله ماكلتوا عني بس
ام احمد: وعليكم السلام
عفراء: سامحيني امييي ما شفتج خخخخ ((واتسير اتحب راس امها ))
شيماء: يالعياره جي امي ابره عشان ماتشوفينها
عفراء: شو اسوي اتعرفون بعد اليوووع ومايسوي الا قولولي احمد وابوي وينهم؟؟؟
ام احمد: احمد وابوج ياينهم سيف ولد ييرانا وحطينالهم غدا في الميلس
عفراء: اهااا
شيماء: انزين يالله كلوااا انا ميته يووع
اسماء: هههههه انزين كلي حد ميودنج
شيماء: هي اكيييد باكل عيل بترياكم لين ماتخلصون كلامكم لا بالله ماكلت شي
ام احمد: حسبي الله عليج من بنت ملسوونه .. يالله سمو بالله..
..............................................
في الميلس ..
بو احمد: والله هاي الساعه المباركه الي قررت تخطب ..ومنو هاي سعيدة الحظ؟؟
سيف ((وهو خايف)): انا قررت اخطب ايد بنتك عفراء
احمد((ابتسم)): نحن ما بنلقى احسن منك يا سيف
بو احمد: هي والله صدقت يا احمد هذا ولد الغالي خلفان الله يرحمه
سيف((حس بارتياح)): انتوا شاورو البنت بالاول وردوا علي خبر
............
في الصاله ... يالسين احمد واسماء وعفراء وشيماء..
شيماء: اشفييه ابوي زقر امي اكييد صاير شي
احمد: وانتي اشلج حاشره نفسج في كل شي
شيماء: مايخصني انا ابغي اعرف
احمد: بتعرفين عقب
عفراء((وهي تغمز لاحمد)): هااااا شكلك تعرف السالفه
احمد: هي اعرف بس مابقولكم موتو حرره خخخ
اسماء: اكييد انا مااهون عليك وبتقولي صح؟؟
احمد: انتي اكيييييييد بقولج
شيماء: لا ما يصير جيييه شو حق ناس وناس
عفراء: هي والله كلنا نبي نعرف
اسماء: ههههه انتوا اشفيكم خله هو يقولي بعدين انا بقولكم
احمد: احم احم اشم ريحة خيانه
والكل يضحك ... وهم يضحكون اييون راشد ومريم في الصاله وشكلهم عندهم شي يبون يقولونه ..
شيماء: هلاا باباتي وماماتي .. ادري ادري في شي تبون تقولونه يالله يالله نسمع
ام احمد: حسبي الله عليج من بنت ملسونه
احمد: هي والله امي توج تدرين
بو احمد: يالله عاد محد يغلط على بنتي
شيماء: فديييييييت ابويه انا
احمد: هاا ابوي اقول انا السالفه والا انت اتقول
بو احمد: لا انا بقول.. السالفه اتخص عفراء
شيماء: افففف الحمدالله طلعت منها
عفراء: اتخصني انا !!!!!!!!
ام احمد: هي يا بنيتي اتخصج
عفراء: خبروني شو السالفه
بو احمد: ولد ييرانا سيف طلب ايدج
..............................................

يا ترى شو بتكون ردة فعل عفراء؟؟؟؟؟
تابع القصة في الجزء الخامس

» الجزء الخامس «

إبداعات أدبية

الرئيسية .. جواهر إسلامية .. دروس الفوتوشوب .. مستلزمات .. تقارير .. متنوعة .. زوار الجواهر .. لمراسلتنا