|
الجزء السادس عشر
في بيت قوم بو احمد .. وبالتحديد في حجرة عفراء .. عفراء الي صارلها
الحين كمن يوم ماذاقت طعم النوم ترقد شوي وتفز من نومها وكله تفكر في
سعيد الي ما فكر يتصل فيها بعد الكلام الي قالها .. بس عفراء مب رايمه
تستحمل غيابه مووول .. فاليوم هي قررت خلااااص وقالت لازم تتصل في سعيد
عشان ترتاح من العذاب الي هي فيه .. وتشل موبايلها وتدق على رقم سعيد
..
سعيد: هلا والله
عفراء: اهلين انا زعلانه منك يا سعيد
سعيد: ليش
عفراء: يعني موول مااشتقتلي والا اتصلت فيني هالايام الي مروا عيل الحب
الي بينا وين راح بس عقيت علي كلامك ورحت
سعيد: شوفي يا عفراء انا قلتلج ما بتصلج بخليج انتي الي تتصلين فيني
وتردين علي عالي قلته لج
عفراء: صح بس ........
سعيد: بس شو يا عفراء انا ابغي اعرف موافقه والا لا .. واذا لا خلااص
قولي ولا جنه شي صار بينا انا بطريج وانتي بطريج
عفراء: يا سعيد انا مااقدر استغني عنك
سعيد: يعني شوو موافقه والا لا؟؟
عفراء: هي ياسيعد موافقه بس وايد خايفه
سعيد: بس خلااص الحين اتأكدت انج اتحبيني يا عفراء .. من شو خايفه
فديتج انا ماسوي شي حرام هذا يسمونه زواج
عفراء: بس هذا زواج عرفي يا سعيد!!!!!!!!!
سعيد: صدقيني يا عفراء بس يرد ابوي من السفر بنيي وبنخطبج رسمي ها زواج
مؤقت بيكون بينج وبيني عشان احس فعلا انج ملكي يا عفراء افهميني ارجوج
عفراء: انا فاهمتنك حبيبي بس بعد خايفه
سعيد: اوو عفراء خلااص خلاص انسي مب لازم واانا قلتلج من البدايه
ماابغيج ترفضين لي طلب وانتي وافقتي والحين ياسه جيه تقولين لي واتأكدي
اني انا ماقلتلج جيه الا اني احبج واموت فيج وبيي بخطبج رسمي بس انتي
الي تبين تهدمين كل شي يالله مع السلامه
ويصك التلفون على ويهها ..
عفراء: اوووووو غبيه وطول عمري بتم غبيه .. الريال يحبني ويموت فيني
وانا جي اسوي فيه .. خل اتصل فيه مره ثانيه..تتصل له مره ثانيه ..
سعيد: نعم شو تبين
عفراء: سعيد ليش تكلمني جيه
سعيد: كيف تبيني اكلمج يعني انتي خلااص هدمتي كل شي
عفراء: سعيد خلااص انا موافقه
سعيد: متأكده
عفراء: هي متأكده يا سعيد
سعيد: هي هاي عفراء الي انا احبها والي بعيش وياها العمر كله
عفراء: يا بعد عمري يا سعيد قولي متى بشوفك
سعيد: باجر فيلليل ان شاء الله انا بيي باخذج وبنروح الشقه
عفراء: امم لا شو رايك ايي بسيارتي
سعيد: لاااا عفااري فديتج جي مب شي انتي الحين زوجتي ولازم تركبين معاي
ونروح مع بعض
عفراء: هههه خلااص حياتي بترياك باجر
سعيد: اووووكي خلااص يالله باي
عفراء: بااي
.......................................
في بيت قوم بو خليفه .. كانت يالسه ام خليفه في الصاله ويدش عليها سالم
..
سالم: هلا اميي
ام خليفه: اهلين يا ولدي انت ييت
سالم: هي ييت انتي لين الحين قاعده ما نمتي!!!!
ام خليفه: شو اسوي فديتك كنت احاتييك مايالي رقاد
سالم: الله يهديج وانتي كل هالوقت يالسه بروحج
ام خليفه: شو اسوي منو بييلس عندي يعني قبل عبير كانت تيلس ويااي
والحين ماعندي حد
سالم: ومرت خليفه؟؟؟
اول ماخلص سالم كلامه تدش عليهم موزوه وهي بكامل كشختها طبعا واول
مايشوفها سالم بينصدم
ام خليفه: هذي يت مرت خليفه لين آخر الليل طالعه بعد تباها تقعد عندي
موزه: انتي ايييه ما يخصج فيني فاهمه والا لا والا الحين تشوفين ولدج
عندج مستقويه علي تراني اقدر اقوم خليفه من الرقاد وايي يلعن خيرج
سالم: اييييييييه انتي مايخصج في امي فاهمه والا لاتراج بتشوفين شي ما
شفتيه في حياتج
موزه: سر لاااا ما بقى الا اليهالوو بعد ههههه اقول سير سير خله ماما
اترضعك وقت الرقاد الحين باااااااااي
موزه تسوي لهم طاف وتسير حجرتها .. اما سالم مفول عليها .. بس مابيقول
شي جدام امه وعلى طوول بيدش حجرته ..
سالم: هاي مرت خليفه كانت .. انا متأكد انها هييييه .. متأكد كانت ويا
شلة شباااااب متأكد .. لاا لاا يمكن تشبهها بس انا متأكد انها هيييه يا
ربيييي انا لازم اقول حق خليفه لازم ..
تدش علييه ام خليفه ..
ام خليفه: ما عليك منها يا ولدي من يت هالبيت وهي جييه هاي اسلوبها
ويانا بس مول ما نقدر نقولها شي يوم وراها ريال شرات اخوك كله يدافع
عنها ويجذبنا
سالم: لهالدرجه مسيطره عليكم يا امي
ام خليفه((الدموع في عيونها)): هي يا ولدي والا عبير اختك شو الي خلاها
تهد دراستها وتعرس من ضغط اخوك عليها ومرته والله يعلم كيف عايشه الحين
..
سالم: ليش يا امي ما خبرتوني من قبل لييييييش والا ماكنت بخليها تعرس
شو ما يصير
ام خليفه: ما منه فايده هالكلام الحين انت ارتاح يا ولدي
سالم: امي لا تسوين في نفسج جي فديتج انا ان شاء الله باجر بوديج عندها
ام خليفه: ان شاء الله وانا الصبح اول ما بنش بتصل فيها مااقدر استحمل
اكثر عن جيه
سالم: خلااص امي الي تشوفينه ..
............................
الصبح في بيت قوم بو سيف .. عايشه نشت الصبح من وقت تريقت وسارت لانه
الباص اييها من وقت ولازم تلحق عليه .. اما ام سيف كانت يالسه في
الصاله من راحت بنتها لين ما سيف نش من الرقاد عشان تضمن انه يتريق وما
يطلع من غير ما ياكل شي ..
سيف: صباح الخير امي
ام سيف: صباح النور هلا يا ولدي سيف تعال امي كل شي قبل لا تروح
سيف: ماابغي شي امي بسير
ام سيف: اذا كان لي خاطر عندك يالله كل قبل لا تسير
سيف: كله ولا امي الغاليه خلااص باكل
ام سيف: هي جي ابغيك يا ولدي
ياكل سيف علشان خاطر .. وهو ياكل يتصل فيه حمد
سيف: الو
حمد: اهليين تراني اترياك برع هاا
سيف: وامنوا قالك اني انا بداوم سير روحك انا برقد
حمد: اوهوووو سيف نحن شو قلنا
سيف: سير لااااا انا قلتلك ما مني فايده يلا باي باي
حمد: خلاص يعني مب ياي
سيف: هههه دقيقه واكون عندك
حمد: اوووووو سيفوووووو قمت تسولف اشوفك
سيف: قول ماشاءالله لا تحسدني
حمد: ههههه لا يا ريال ماشاءالله والف ماشاءالله انا ماصدقت تتحسن شوي
سيف: ههههه اوكي خلااص انا بييك الحين
حمد: اوكي باي
سيف: باي
.......................
في بيت قوم بو احمد .. وبعد ما راحوا احمد وبو احمد الشركه كانوا
يالسين اسماء وشيماء وام احمد .. وعفراء الي الكل مستغرب من قعدتها
وياهم ..
اسماء: عفرووو غريبه ناشه من وقت اليوم مو من عوايدج
عفراء: ههههه تعرفين بعد يا مرت اخوي اتولهت عليكم .. ((ما تبا تقول
انه من الفرحه قاعده وياهم لانها بتطلع ويا حبيبها سعيد اليوم))
شيماء: عفرووو اعترفي اكيد في شي ثاني
عفراء: ههههه شو شي ثاني انتي بعد تعالي انتي ماوراج جامعه؟
شيماء: جان زين والله وراي من الساعه 3 لين الساعه 5
ام احمد: الله يوفقج يا بنيتي سيري رقدي الحين وانا بقومج الساعه 3
شيماء: لا امي بقعد معاكم شوي وبعدين بسير
ام احمد: خلاص بكيفج فديتج
عفراء: امي من الحين اقولج تراني بطلع فيلليل
ام احمد: وعلى وين ان شاء الله
عفراء: امي بطلع ويا ربيعتي الي قلتلج عنها
ام احمد: ووين تبون تسيرون
عفراء: اوووو امي شو هو تحقيق بنسير انحاوط
اسماء: عفراء ماتلاحظين انه طلعاتج بدت تزيد
عفراء: لاا والله .. ومن متى انتي تتدخلين في طلعاتي ويياتي .. وانتي
اشلج اصلاا انا امي وابوي ماقالولي هالكلام انتي يايه اتقولين جيه
ام احمد: اشفيج انتي اسماء ماقالت شي عشان اتصارخين عليها جيه وهي
الصاجه طلعاتج بدت اتزيد
عفراء: امي اشفيييج ليش تشوفيني ياهل جدامج انا كبرت خلاص وانا الي
مسؤوله عن نفسي محد له خص فيني وانتي يا اسموووو لا تيلسين تخربين عقل
امي علي تراج بتندميين صدقيني ما في الا هالاشكال بعد .. الله يلعن
اليوم الي ييتوا وسكنتوا عندنا
وعلى طول تسير فوق حجرتها ولا تسويلهم سالفه
اسماء((بحزن)): عمتي والله انا ما قلتلها شي والله ما كنت قاصده ليش
جيه تقول شكلنا ثقلنا عليكم
ام احمد: لا فديتج يا اسماء لا تقولين جيه الا مالين علي البيت والله
بس اعذريها عفراء تراها من يومها جيه لسانها طويل وانا تعبت وياها
شيماء: لا امي عفراء ماكانت جيه بس هاليومين ماادري شو بلااها متغيره
علينا .. اسماء فديتج ما عليج منها انتي بس ما يخصج فيها لاترمسنها ولا
ترمسج
اسماء: والله لولااج انتي يا عمتي ولولا شيما كنت بقول حق احمد بنرد
بيتنا
ام احمد: افا عليج يا اسماء تردون بيتكم وبيتنا خالي ليش عاده وعلى
عفروو مثل ماقالتلج شيما لا ترمسج ولا ترمسينها خلااص .. ((تتنهد)) ...
والله ماادري شو بلاها هالبنت
شيماء: ما عليه يا امي انتي بس حاولي تتقربين منها وتعرفين شو فيها
انتي الوحيده الي تستحملينها ويمكن تتجاوب معاج في الكلام
ام احمد: الا قولي بالعكس من اقولها كلمه ترد علي عشر
اسماء: عمتي شو رايج تكلمين عمي
ام احمد: لا مافيني يا اسماء تعرفين بعد عمج محد يقوله شي يسوي من
الحبه قبه
اسماء: خلاص عيل عمتي عفراء مب صغيره انتي لا تحاتين
شيماء: خلاص انا شكلي بسير ارقد
ام احمد: هي سيري فديتج
شيماء: بس امي قوميني مو تنسيييين
ام احمد: ان شاء الله
وتسير عنهم شيماء فوق في حجرتها وترقد شوي قبل لا تسير الجامعه
ام احمد: خلاص عيل يا اسماء دام انه تمينا بروحنا قومي خلنا نسوي الغدا
اسماء: اوكي عمتي يالله نسير
...............................
الظهر في بيت قوم بو خليفه .. خليفه توه راد من الدوام ويشوف سالم وامه
يالسين في الصاله ..
خليفه: سلام
ام خليفه: وعليكم السلام حتى السلام ما قمت تسلمه علينا من خاطرك
خليفه: مالي خلق حق هالرمسه الحين الغدا زاهب والا لا
ام خليفه: هي زاهب
خليفه: شو تتريين يعني اسير انا واييبه من المطبخ سيري ييبيه اهني
تنش ام خليفه وتسير المطبخ عشان اتيب الغدا
سالم: انت ليش ترمس امي جييه
خليفه: جب ما يخصك انت
سالم: شو اصغر عيالك تقولي جب
خليفه: اوهووووو انت ويعدين وياك مافي الا اليهال بعد
سالم: خليفه ممكن اقولك شي
خليفه: قوول خلصني شو تبا
ينش سالم ويسير يقعد يم خليفه..
سالم: امممم انا شفت مرتك امس فيلليل في مطعم
خليفه: انزين وخير يا طير يعني شو تباني اسوي
سالم: امممم شفتها ويا شلة شباب
خليفه: هههههههههههههههههههههههه شلة شباب اونه هههههههههههههه
مووووووووزه مووووووزه تعالي فديتج بسرعه
وتطلع موزه من الحجره ..
خليفه: هههههههههههههههه تعالي سمعي هذا شو يقول
موزه ((وهي تطالع سالم باحتقار)): شو يقول
خليفه: ههههه اونه شافج في المطعم ويا شلة شباب ههههههه
موزه: واااااااااااابويه عليك اشقد تخرط انته والله اني كنت ويا
ربيعاتي انت ليش جيه بس تبا تتبلى علي وبس صج ما تستحي على ويهك وجدام
ريلي بعد تقول هالكلام .. خليفه شوف عاد يكون لعلمك انا مااقدر استحمل
اكثر عن جيه يا انا يا هم في البييت .. وعلى طووول تدش حجرتها .. وطبعا
خليفه وراها
خليفه: موزه فديتج اشفيج والله انا مستحيل اصدق كلام واحد ياهل تافه
مايعرف كوعه من بوعه
موزه: لاا عااااد يا خلييفه انا مااقدر استحمل اكثر عن جييه وانا قلتلك
يا انا يا هم في البيت عيل انت ترضى يقولون جيه عني انا بس ما ينلام هو
ياهل ما يعرف هالسوالف كله من امك هاي الي ورا ها كله انا اعرف تبا
الفكه مني .. وانت قولي الحين اطلع والا هم يطلعون
خليفه: لااااا يا عمري والله ما تطلعين انتي الداخله وهم الطالعيين
فديتج
وعلى طول يطلع خليفه ويروح الصاله يشوف امه وسالم قاعديين
خليفه((بعصبيه)): يالله طلعوا من هالبيت انتي وياااه ماابغي اشوفكم
اهني
ام خليفه: انت شو تقووووووول نطلع وين نسيييير
خليفه: تسيروووووون مكان ما تسيرون بسرعه
سالم: انت اييييييييه مو من حقك تطردنا من البيت فاهم والا لا
خليفه: انت جااااااب ما يخصك يا دياية امك بتروح وياها وين ماراحت
ام خليفه: حسبي الله عليييك من ولد جي تسوي فينا هاي آخرتها تطرد امك
واخوك من البيت مو منك من ها هذيج الي داخل هي الي توزك علينا
ويسير خليفه وهو مفول عليها بلقووو ويسحبها من ايدها لين باب الصاله
وسالم اي شي يحاول يسحب خليفه من ورااا بس ماشي فايده خليفه اقوى بوايد
..
سالم((يصارخ)): هد امييييي يالحقيييييييييييير هدهاااا سييير عند
الصايعه مرتك يا استكانه مرته
خليفه يهدها ويطلع برع على طوووول .. اما ام خليفه فطايحه عالارض
وماتتحرك ..
سالم((وهوو يصيح)): اميييييييييييييييييييي قوووووومي الله يخليييج
قووومي انا مالي غناة عنج قوووووومي ..
تطلع موزه من حجرتها وتشوف شو صاير ..
موزه: هههههههههههههه والله اشكالكم تضحك .. عشان مره ثانيه تحترم نفسك
وتعرف اني مب سهله .. هههههههه خاطري اصوركم وانتوا جييه ببروزها
وبحطها في حجرتي وكلما شفتها ايلس اضحك هههههههههه
سالم ما يعرف شو يسوي ما يهتم في كلامها وعلى طول يتصل في الاسعاف عشان
اييون ياخذون امه ..
...........................
في بيت فيصل .. وفي هالبيت العود الي جنه قصر .. طبعا عبير الحين ما
تيلس في البيت الا وهي كاشخه باللبس والمكياج هذا الي معلمينها اهل
فيصل اتسوييه .. صح انها مب متعوده على جيه بعدها بس مع الايام بتتأقلم
مع الوضع ..
وهي يالسه تتطالع التلفزيون يدش ريلها فيصل وشكله توه راد من الدوام..
فيصل: سلام عليكم
عبير: وعليكم السلام هلا
فيصل: اهليين حياتي اشحالج اليوم
عبير((تنزل راسها تحت)): بخير
فيصل: هههه اشفيج انتي لين الحين تستحين مني خلااص صرت ريلج انا
عبير: شو اسوي احس بعدني مب متعوده
فيصل: ما عليه حبيبتي بتتعودين المهم قولي حق البشاكير خلهم يزهبون
الغدا تراني يوعان
عبير: ههههه وامنوا قال انه البشاكير مسوين الغدا احم احم انا الي
مسويه وانا الي بزهبه لك
فيصل: عبير انتي بعدج عروس وبعدين انا ليش يايب كل هالخدم عشان يخدمونج
مب انتي اتدشين المطبخ وبعدين انا ما طلبت منج اتسوين ليش متعبه روحج
عبير: اشفييييييك فيصل سويتلي سالفه انا احب اسوي الغدا روحي وماابغي
الخدم يسوونه وبعد عشان تطعم طباخي اشوف ايعيبك والا
فيصل: هههه اذا جيه خلاص ما عليه بنطعم بس ديري بالج ترى اذا حلو كل
يوم بأذيج وما باكل شي غير من ايدج
عبير: هههه الله يستر عيل ان شاء الله ما يكون حلو
فيصل: لا انا متأكد انه بيكون حلو مثل راعية الطبخه ..
عبير: هههه ..
يرن موبايل عبير ..
عبير: هلا والله فديت اخوي انا
سالم: عبيييييييير لحقي علي يا عبير امي في المستشفى
»
الجزء السابع عشر
« |
