|
الجزء الثالث عشر
طايحه على سريرها ومشغله المسجل وحاطه اغنية احلام
.. ((شكلي والله حبيتك)) .معقوله
حبيته بهالسرعه؟؟؟؟.. كل المواصفات الي كنت
احلم به فيه ..
معقوله يا سعيد سكنت قلبي بهالسرعه ..
لا شعوريا تاخذ موبايلها وتتصل فيه
..
سعيد: هلا عمري
عفراء: اهلين حبيبي
سعيد: يا حلو هالكلمه طالعه من لسانج اااه شكلي بدعم
عفراء: هههه لااااااااااااا خلااص شكلي مابقول شي
سعيد: لا فديتج قولي شو تبيني اموووت
عفراء: بعيد الشر عنك حياتي قولي انت وين رايح
سعيد: ماشي حبيبتي يالس اتحاوط روحي شو ر ايج امر عليج انسير نتعشى مع
بعض
عفراء: هههههه لا والله
سعيد: هي والله اشفيج من صجي اناا
عفراء: لا سعييد مااقدر وشو اقول حق اهلي
سعيد: اااه خلااص مب مشكله من اولها جييه ماتطيعيني عيل الله يستر
بعدين يوم باخذج ترى انا مااحب الحرمه الي تقولي لااا احب تسمع كلام
ريلها وانا بمثابة ريلج الحين واعتبري هاي فترة الخطوبه وبعدين انتي لو
تبيين تطلعين وياي بتطلعين بس انتي ماتبين خلااص مب مشكله يالله مع
السلامه اعتبري هاي آخر مكالمه بينا ومثل ماقلتلج لين الحين مافي شي
يربطنا ببعض ونقدر ننفصل عن بعض
عفراء: سعيد حبيبي لحظه اشفييك ليش جي انهديت علي انا مالي غناة عنك
خلااص انا موافقه اطلع معاك ومثل ما قلت انت زوجي الحين ومسؤول عني
وانا متأكده انك بتخاف علي
سعيد: طبعا فديتج في حد ما يخاف على زوجته
.. هي جي ابغيج يالله دقايق واكون عندج
..
عفراء: اوكي حبيبي باي
سعيد: باي..
ومن الصوب الثاني ..سعيد كان حاط على سبيكر ويسمع ربيعه خالد كل الحوار
الي دار بينه وبين عفراء ..
سعيد: ههههه ها شرايك
خالد((مندهش)): صج انك محظوووظ يا ريااال امسات متعرف عليها والحين
بتطلع معااك يا حظك والله شكلها رايحه فيها هاي ههههههههه اونه انا
بمثابة ريلج وهي مصدقه بعد ههههههه والله انك يا بو عسكووور سوالف
سعيد: هههههههه انت اصلا تعبان ومااتعرف تتعامل مع البنات يعني شو تبا
من وحده معنسه اكيد بتصدق اني ريلها بس مؤقت ههههههه
خالد: هههههههههه انزين قولي الحين شو ناوي تسوي تراها تترياك تعزمها
عالعشا
سعيد: ههههههه هي يالله دبرلي سياره كشخه انا تاجر وعدي شركات مايستوي
اسيرلها بهالسياره
خالد: هههههههههه افا عليك يا بو عسكوور تامر امر الحين بتصل في عبيد
وبقوله اييبلك سياره محترمه
خالد: ههههه تسلم يا بو وليد
..........................
في بيت قوم بو سيف كانوا قاعدبن ام سيف وعايشه في
الصاله ..وسيف راقد..
عايشه: اميي ما يصير نشوفه جيه ونسكت ونقول باجر بيصير زين
ام سيف: شو تبيني اسوي يا بنتي مابيدنا شي انا الليل ماانام كله افكر
فيه
عايشه: انا عندي حل
ام سيف: شوو قووولي
عايشه: نودييه مستشفى الامراض النفسيه
ام سيف: شو تقولين شو بعد اامراض نفسيه ولدي مب مينون الحمدالله مافيه
شي وباجر بينسى
عايشه: امي اشفييج انتي هالمستشفى مب حق الميانيين بس حق الي حالاتهم
شرات اخوي بعد
ام سيف: لاا لاا شو تقولين انتي شو تبين الناس اتقول عنا
عايشه: ونحن من متى نسمع كلام الناس يا امي وبعدين اي ناس الي تتكلمين
عنهم نحن طول عمرنا عايشيين رواحنا محد له شغل فينا
ام سيف: وانتي تتحرين اخوج بيرضى يسير هالمكان
عايشه: ما عليه امي بنجرب ما بنخسر شي
ام سيف: والله كيفج سوي الي تبينه انا المهم عندي ولدي يرد شرات قبل
..........................
((مستتحييييييل اميي مستحيل الي يالسه تقولينه ))
طبعا اكييد رفضت بعد ما سئلتها امها عن رايها في موضوع الزواج ..
ام خليفه: ليش امي ما تبين هاي سنة الحياه
عبير: ومستقبلي ودراستي بس ياا واحد عنده بيزات قلتوا خلااص بنزوجها
اياه جي قاعده على جبودكم انا امي انتي تعرفين اني من يوم ماانا صغيره
وانا خاطري اصير مدرسه والحين انتوا بتون وبتهدمون كل شي
ام خليفه: مب انا يا بنتي اخوج خليفه هو الي يبغي
عبير: وانا اشعليي منه خله يولي هو ومرته
ويدش عليهم خليفه ..
خليفه: اميييي يايين ضيوف بيتنا يالله سيري دخليهم فشله واقفين برع
ام خليفه: وامنوا الي ياي بيتنا
خليفه: قوم اهل فيصل امي يايين يخطبون عبير
عبير: شووووووووو ..
وامنوا قالك اني انا اباهم اييووون واني انا موافقه
خليفه: بتوافقيين غصبا عنج فاهمه والا لا وانا عطيت الريال كلمه
ومستحيل ارد عنها قلتله انج موافقه
ام خليفه: وانت ليش اتييب اهل الولد قبل لا تاخذ راي البنت هي الي
بتتزوج والا انت
خليفه: امييي لالا تكثرين هالكلام اهله واقفيين برع وبتوافقون غصبا
عنكم كلكم وان ما وافقتوا تراكم بتشوفون مني شي عمركم ماشفتووه
ام خليفه: حسبي الله عليك من ولد حسبي الله عليك
وتسير لهم ام خليفه برع ..
خليفه: وانتي سمعيني بتوافيقييين غصب طيب وان ما وافقتي بتشوفين عمرج
في الشارع انتي وامج فاهمه والا لاااا ..
اختاري يا انج تعيشين وياها في بيت ريلج وياا انكم تعيشون في
الشارع
عبير: اميييي ...
خليفه: هي امج .. مااباها عندي في البيت
بتاخذينها وياج لبيت ريلج يالله سيري تعدلي الريال يبا يشوفج عن
تفشلينا جدامهم بعد تطلعنله جيه اخاف يهون
عبير: بس ....
خليفه: لا بس ولا شي يالله جدامي قلتلج ..
تدش عبير حجرتها وهي اتحس انها منهاره وتصييح من خاطرها خلااااص
مابيدها شي اتسوييه الا انها توافق ..
واول شي فكرت تسويه هو انها تتصل في عايشه
..
عايشه: الوووو
عبير ((بصوت خشن ومبين انها تصيح)): الووو
عايشه: هلا والله اشفيج عبيروو صوتج متغير
عبير: اااه مافيني شي
عايشه: يالله عاد عبيروو شو بتخشين عني
عبير: تعرفين انه خليفه يبا يزوجني غصب
عايشه: وليش ان شاء الله يبا يزوجج غصب
عبير ((ترمس وتصيح)): انا هالريال ماابغييه
يا عايشه ما يباني ادرس تخيلي انا طول عمري احلم اكون ابله عبير وانتي
تعرفين هالشي وبعدين هذا خليفه انا اعرفه ليش جي يبا يسوي اتخيلي يبا
الفكه مني انا وامي قالي لو ماخذتي هالريال بفرج انتي وامج في الشارع
عايشه: يعني يباج تاخذين امج لبيت ريلج وهي عندها بيت
عبير: هي تخيلي
عايشه: شو من ولد هذا صج مايستحي
عبير: مب منه من مرته هذي انا اعرف الله ياخذها تبا تفرق بينا
عايشه: ما عليه فديتج لا تسوين في نفسج جي يمكن هالزواج يكون خير عليج
عبير: ودراستي؟؟؟؟؟؟؟
عايشه: ما عليه يوم ان شاء الله خذتييه قعدي انتي ويااه وقوليله انج
تبين اتكملين دراستج يمكن يرضى
عبير: واذا ما رضى؟؟؟
عايشه: هذا نصيبج بعد شو بتسوين
عبير: ااااه ما عليه انا بخليج الحين اوكي
عايشه: خلااص فديتج براحتج بس لا تسوي في نفسج جي الغاليه ترى الدنيا
ما تسوى والله لو اتشوفين غيرج والمشاكل الي يمرون فيها بتهو عليج
مشكلتج
عبير: الله كريم
عايشه: خلااص يالله مع السلامه
عبير: مع السلامه
------------------------------
في المطعم وفي هالجو الرومانسي كانوا يالسين عفراء وسعيد بعد ما خذوا
البوفيه ..
عفراء: عمري مااستانست كثر ما انا مستانسه الحين
سعيد: ااه ان اكثر فديتج
سعيد: ههه انزين كل شفيك ماتاكل
عفراء: انا بس اطالعج اشبع
سعيد: ههه يالله عاد ترى بتغشى
سعيد: تتغشين جدام الناس مب جدامي
عفراء: هي اكيييد انا جمالي كله لك
سعيد: اااه ممكن ايي ايلس يمج
عفراء: اممم تعال
ينش سعيد ويسير يقعد يم عفراء واول ما يقعد بيبوسها على خدودها
..
عفراء: اوييييي سعيد قوم عني فضحتنا جدام الناس
سعيد: اي ناس محد بيشوفنا نحن يالسين في الكابينا وبعدين شو نسيتي اني
انا ريلج
عفراء: ههههه هي صح اتذكرت
سعيد: يااااااااااي والله انج قمر
عفراء: ههه هالقمر كلها على بعضها لك يا قلبي
سعيد: اكيييييد وبقطع ريله الي بيي صوبها
عفراء: تصدق والله حاسه اني ماابغي ارد بيتنا ابغي كل وقتي اكون وياك
سعيد: فديتج والله عفاري انا بعد نفس الشي
عفراء: ربي لاخلاني منك يا سعيد
سعيد: آمين ولا منج ..
..........................................
اليوم الثاني .. الصبح في بيت قوم بو احمد
وبعد ماراحوا احمد وبو احمد وشيماء دواماتهم تموا ام احمد واسماء وبدور
في الصاله ..
ام احمد: هي بس لازم اتسيري المستشفى يا اسماء
اسماء: عمتي كم اروح المستشفى كله يقولون لي نفس الكلام
ام احمد: شو رايج تعالجين برع مايصير جيه انتوا الحين من زمان متزوجين
وماعندكم غير هالولد لازم تعرفين شو السبب
اسماء: ماادري يا عمتي انا بكلم احمد وبشوف شو بيقول
..
ام احمد: هي زين تسوين وانا بعد بقوله
اسماء: الا قوليلي عمتي عفراء لين الحين راقده؟؟
ام احمد: ماادريبها يا اسماء
عفراء في حجرتها كانت في عالم ثاني وهي يالسه ترمس حبيب القلب سعيد ..
عفراء: يا بعد عمري يا سعيد خاطري اشوفك
سعيد: اليوم الفيلليل مثل مااتقنا حياتي
عفراء: ان شاء الله ..
بس باقي وااااايد على الفيلليل اففف متى بيستوي
سعيد: تبيني امرج الحين؟؟
عفراء: لاا لاا الحين مااقدر الا قولي انت ماوراك دوام شي؟؟
سعيد: لا فديتج ماوراي شي اليوم الوالد في الشركه فما يحتاي انا اسير
عفراء: اهااا عشان جييه
سعيد: خلااص عيل انا بخليج الحين يالغلا كله
عفراء: خلااص اوكي بس اشوفك الفلليل
سعيد: اوكي باااي
عفراء: باااي
بما انها خلصت من حبيبها قالت بتنزل تحت واول ما بتنزل بتشوف امها
واسماء يالسين في الصاله ..
عفراء: صباااح الخير
ام احمد: هلا مابغيتي تنزلين
عفراء: امي الغاليه اشحااالج؟؟
ام احمد: الحمدالله ..غريبه ييتني عندنا شوي
عفراء: اوووووه امي اشتقتلكم اوو مرت اخوي اشحالج
اسماء: بخير الحمدالله اشوفج مستانسه من صباح الله خير
عفراء: هههههه تصدقون انا مب مستانسه انا طايره من الفرحه
ام احمد: وليش مستانسه
عفراء: اوووه امي يعني ماتبين تشوفين بنتج مستانسه
ام احمد: بنتي ما تسأل عني مووول وبالحسره اشوفها
عفراء: هههه فديييت امايه انا .. تنش
وتبوسها على راسها ..
وهاي بوسه ولا تزعلين
ام احمد: بس هالي قدرت عليه اسماء فديتج قومي خلنا نطبخ حق الغدا
عفراء: والخدم شو يسوون
اسماء: لااا ويييي ريلي مايحب اكل الخدم
عفراء: اونه عاد
ام احمد: يالله نشي ساعدينا والا ناويه تقعدين بعد
عفراء: شو قلتي امي؟؟؟؟؟؟؟ .. تبيني ادش
المطبخ !!!!!!!!!!
ام احمد: هي دشي المطبخ شو بيستوي بج يعني
عفراء: لا امي مااحب اسمحييلي
ام احمد: مااالت ان شاءا لله تلقينلج ريل مايحب ياكل من ايد البشكاره
عفراء: ههههههه لا اميي انا بخليه يحب
اسماء: هههه اوكي بنشوف
ويسيرون ام احمد واسماء المطبخ اما عفراء اتم يالسه في الصاله
عفراء: اااه فديييتك يا سعيد ..
خلني اتصل حق موزووه اشوف شخبارها ..
موزه: هلا والله
عفراء: هلا وغلا
موزه: اهلييين يالقاطعه خلااص ما قمتي تتصلين اشوفج ويا هالويه
عفراء: ههههه شو اسوي بعد تعرفين
موزه: هي خلااص عرفت حصلتي الي احسن مناا خلااص شو تبون فينا
عفراء: هههههه ااه يا موزوووه لو اقولج عنه عسل عسل اتصدقين ماابغي اقر
في البيت كله ابغي اكون وياه
موزه: ههههه يحليييلج يا عفرووو واخيرا حبيتي طبعا الفضل يرجع لي انا
عفراء: ههههه انتي ملاااااك يا موزه احسن شي سويتيه في حياتج انج
عرفتيني علييه
موزه: هي بس خليني اقولج شي تراهم مايحبون البنت الي ترفض لهم طلب
فديري بالج
عفراء: لا انا عمري ما برفض له طلب من هالناحيه لا تحاتين
موزه: هي جي ابغيج
...........................
في بيت قوم بو خليفه سارت ام خليفه تشوف بنتها عبير ..
ام خليفه: انتي شو تسوي
عبير: مثل مااتشوفين يا امي
ام خليفه: يالسه تحطين ملابسج في الشنطه اشوفج مستعيله على الزواج
عبير: ياامي لا تنسين انه زواجي بيكون الاسبوع الياي
ام خليفه: وانتي ليش يالسه تتزهبين من الحين والكلييه مابتسيرينها
اليوم
عبير: لا اسير شو اسوي خلااص ما شي فايده
ام خليفه: ما عليه يا امي اهل المعرس مبين عليهم ناس طيبيين وما عليهم
كلام انتي بس لا تسوين في نفسج جي ..
عبير: ااه محد فاهمني خلااص امي ما عليه بس تعالي ساعديني
ام خليفه : ان شاء الله فديتج
وهم يالسين يحطون الاغراض في الشنطه يسمعون صوت الجرس
..
ام خليفه: انا بسير اشوف منو عالباب
عبير: اوكي امي سيري
وتسير ام خليفه تبطل الباب اول ما تبطل تشهق من الدهشه
.. وعيونها تارسه دموع من الفرحه ..
يا ترى منو الي عالباب..هذا الي بنعرفه في الجزء
الرابع عشر..
»
الجزء الرابع عشر
« |
